A Una
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Burasche del cuor | Edission e fonte ▼ | Me la bato → |
A una
Sepolta sotovia de un capelon,
co 'na gabana longa, impelissada,
te go incontrà l'altra matina in strada
e ti m'à fato proprio compassion.
Quela roba, lo so, te l'à comprada
a un tanto al mese el povaro mincion
de to marìo; ma roba da bonton
no ghe sta ben a chi fa la zornada.
Manco sempiäe, vecia, manco creste,
manco strighessi e più disabiliè
su quel capelo e sora a le to veste!
Scolta 'l mio bon consegio e daghe reta:
Xe megio assae parer quel che se xe,
ma aver de soto la camisa neta.