A Lucieta

by Anton Maria Lamberti

3

A Lucieta Anton Maria Lamberti XVIII Poesie

Indice:Raccolta di poesie in dialetto veneziano 1845.djvu

Anton Maria Lamberti

A Lucieta

XVIII secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

A LUCIETA.

Lucieta
     Careta,
     Sè un muso da basi,
     Ma strambi xe i casi
     5In fato d'amor.
     Gh'è un'altra
     Più scaltra,
     Che briga,
     Che striga,
     10Che intriga,
     Che proprio me stuzzega
     La ponta del cuor.
     Lucieta
     Careta,
     15Sè assae più ben fata,
     Ma st'altra è più mata
     Scaldada d'amor,
     E l'omo
     Xe un tomo,
     20Lo impizza,
     Lo istizza
     Le done, che stuzzega
     La ponta del cuor.
          Schincheti,
          25Corneti,
     Li fa squasi tute,
     Ma quei dele astute
     Xe salsa d'amor.
          Culia
          30Xe galia,
          Sa farli,
          Impastarli,
     In modo che i stuzzega
     La ponta del cuor.
          35Lucieta
          Careta,
     Za so un baronato,
     So strambo, so mato
     Co fazzo l'amor.
     40Vel digo
     Da amigo:
     Tochè,
     Biseghè,

     Ma st'altra me stuzzega
     45La ponta del cuor.