Pagina:Raccolta di poesie in dialetto veneziano 1845.djvu/325

Da Wikisource
Va a: navigasion, serca
75%.svg
Sta pagina la xe stà trascrita, ma la gà ancora da vegner rileta.


A LUCIETA.


Lucieta
     Careta,
     Sè un muso da basi,
     Ma strambi xe i casi
     5In fato d'amor.
     Gh'è un'altra
     Più scaltra,
     Che briga,
     Che striga,
     10Che intriga,
     Che proprio me stuzzega
     La ponta del cuor.
     Lucieta
     Careta,
     15Sè assae più ben fata,
     Ma st'altra è più mata
     Scaldada d'amor,
     E l'omo
     Xe un tomo,
     20Lo impizza,
     Lo istizza
     Le done, che stuzzega
     La ponta del cuor.
          Schincheti,
          25Corneti,
     Li fa squasi tute,
     Ma quei dele astute
     Xe salsa d'amor.
          Culia
          30Xe galia,
          Sa farli,
          Impastarli,
     In modo che i stuzzega
     La ponta del cuor.
          35Lucieta
          Careta,
     Za so un baronato,
     So strambo, so mato
     Co fazzo l'amor.
     40Vel digo
     Da amigo:
     Tochè,
     Biseghè,

     Ma st'altra me stuzzega
     45La ponta del cuor.



EL PROPONIMENTO.


Xe vero, ti stuzzeghi
     Nol posso negar,
     Ti è caro, ti è cocolo,
     Ti sa bisegar;

Ma sento in te l'anima
     Ancora el brusor;
     No vogio più spasemi,
     No vogio più amor.

Che colù xè un baronato,
     E so mi quel che 'l m'à fato,
     Nè se ga più pase in sen.

Sta quieto... via cavite...
     Che corpo ustinà!
     No serve... via lassime,
     O vado de là.

Sior no; no go laveri...
     Sior no; no go man:...
     Sta quieto, o te morsego.
     Va via, mato can.

          Che colù xè un ec.

Per dia, vado in colera:
     Oh dio! che anemal!...
     No no, caro Giacomo,
     No fanne del mal.

Che mostro del diavolo!...
     No posso sofrir...
     Che gusti da barbaro!
     Me sento a morir.

Ah! ti xe el gran baronato.
     Ah! de mi coss'astu fato,
     Che go tanto fogo in sen?