Xe da lodar in quel Sonetto assae
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Odoardo fradel del Rè di Inglesi | Edission e fonte ▼ | Chi xe stà mai le razze buzarone → |
Xe da lodar in quel Sonetto assae
La condotta, la frase, e la favella,
Le rime, e ogn'altra cosa, eccetto quella,
4De voler le morose inlucchettae.
El gran lucchetto hà d'esser l'onestae
Zogia preziosa d'ogni Donna bella;
E, se questa no fà la sentinella,
8Tant'è lassar le porte sbalancae.
A cosa zova un tal passo ristretto
A tegnir solo in stroppa la natura,
11Se pò gh'impiro el cuor, la man, el petto?
Quando che 'l senso no gà più misura;
La slarga, ve lo zuro, ogni lucchetto
14A costo de sbregar la serradura.