Vogio xe morto!

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Vogio xe morto!
1905
←  Soto a un ritrato de do' putele Edission e fonte ▼ El galante de la terazza  →
[p. 41 modifica]
VOGIO XE MORTO!

(Canzoneta per el Redentor)

per musica

 
Carlo — Nina, fa presto, scoltime,
varda che note d'oro,
se no ti vien mi moro,
4ti sa che te voi ben!
Fame contenta l'anema,
vogio da ti un baseto,
el morbido viseto
8vogio qua' rente al sen!
 
Nina — Xe inutile ste prediche,
el sa che son onesta;
anca se ancuo xe festa
12co' lu no vegnarò...

Farme xe inutile
quel naso storto,
chè in fin dei conti
16vogio xe morto!!

[p. 42 modifica]


Carlo — Parcossa tanto strepito,
e tuto sto bordelo,
se qua co' mi in batelo
20te digo de vegnir?
Lontani da le musiche,
dal ciaro dei baloni,
mi vogio i to struconi,
24te vogio ancuo par mi!

Nina — El diga, cossa credelo
de torse de sti spassi?
co' mi no se fa ciassi,
28galo capio, sì o no?...

Farme xe inutile
quel naso storto
chè in fin dei conti
32vogio xe morto!!

[p. 43 modifica]


Carlo — Ma no ti vedi, cocola,
che foghi, che splendori?
No te comove i fiori
36che quà te go portà?
Tuto xe pronto e in ordene,
la gondola ne aspeta,
ah! credime, Nineta,
40no vogio che 'l to amor.

Nina — Sior Carlo, poche ciacole:
no açeto de sti inviti,
ghe digo che sti siti
44fati no i xe par mi!

Farme xe inutile
quel naso storto
chè in fin dei conti
48vogio xe morto!!

Redentor 900

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Vogio_xe_morto!&oldid=58238"