Soto a un ritrato de do' putele

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Soto a un ritrato de do' putele
1905

 Edission original:   

Gino CucchettiSpiere de Sol!, Roma, Tipografia Elzeviriana, 1905

 Fonte:

Indice:Spiere de Sol.djvu

←  Disposizion feroviarie! Edission e fonte ▼ Vogio xe morto!  →
[p. 40 modifica]
SOTO A UN RITRATO DE DO' PUTELE

 
Care, care da Dio! Sè la pusae
come pusai xe do anzoleti in çielo,
e ve incorniza quel viseto belo
4de le drezze, coi bucoli, indorae.

Parè do' colombine inamorae,
do figurete degne de penelo,
e quel soriso sui lavreti, ah! quelo,
8quelo per mi ve lassa insuperae!

E vu stè là, co' quele do testine
tacae l'una co l'altra, quiete e bone,
11coi oci da maciete birichine...

Cussì a vardarve, mi ve magnarìa,
care, care da Dio, che cocolone,
14e più ve vardo, più ve vardaria!...

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Soto_a_un_ritrato_de_do%27_putele&oldid=58257"