Vien, Aracne superba, vien mo qua

by Gian Giacomo Mazzolà

3 XXX I cavei de Nina XXIX XXXI Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXX

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXIX

Edission e fonte ▼

XXXI  →

XXX

Vien, Aracne superba, vien mo qua
     Ti, che la gran Minerva de sfidar
     A chi savesse megio recamar
     4Ti à bu el cuor e la gran temerità;

Ti, che d'esser sta venza e superà
     No bastandote, a tesser e filar
     Per despeto te vedo a seguitar
     8Ancora, benchè in Ragno trasformà;

Vien, che veder te vogio in confusion,
     E de novo avilir la to albasìa,
     11La to superbia e la to ostinazion:

A ti, te sfido, tireme dei fili
     Se ti è capace, che più fini sia
     14Dei Cavei de la Nina e più sutili!