Co dal mar po del Sol sponta el careto

by Gian Giacomo Mazzolà

3 XXIX I cavei de Nina XXVIII XXX Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXIX

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXVIII

Edission e fonte ▼

XXX  →

XXIX

Co dal mar po del Sol sponta el careto,
     E tuti col dormir s'à reficiai,
     Torna alegre le bestie ai campi e ai prai,
     4E 'l barcariol contento al so tragheto;

Svelto el guerier de Marte al tananai
     Torna, e lesto el vilan torna al vangheto;
     E mi torno de novo a me despeto
     8Ai strazzacuori, a le amarezze, ai guai.

Passa anca el dì, e 'l me par longo cent'ani,
     Torna la note, e a tacar soto torno
     11E pensieri e tormenti e susti e afani.

Passo da zorni amari a note triste,
     E questa è la me vita note e zorno
     14Da quel dì, bele Drezze, che v'ò viste.