Vedova (1915)
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← A Giuseppe Caprin | Edission e fonte ▼ | Fortunà → |
Vedova
Che dolor, che dolor! Che disgraziada!
No la se pol calmar, la fa pietà!
La pianzi come mata, disperada,
El marì ghe xe morto un’ ora fa.
Giovine ancora, vedova restada
Sola in sto mondo cossa la farà?
De lui la iera proprio inamorada,
Tuta la vita la lo pianzerà.
— Via, la se calmi, dai, iera destin...
La conforta cussì una vedovela
Vistida in luto ultimo figurin.
— Calma? mai più! sempre sarò in sto stato...
E guardando l’amica: ma che bela!
Sto vestito che sarta ghe ga fato?