Ve prego, sior Piovan, per carità

by Giorgio Baffo

3 Ve prego, sior Piovan, per carità Raccolta universale delle opere di Giorgio Baffo Tomo II Me par, che la politica no vogia In frà i mestieri della vita umana Giorgio Baffo 1789 XVIII Poesie

Indice:Raccolta universale delle opere di Giorgio Baffo 2.djvu

Giorgio Baffo ―  Raccolta universale delle opere di Giorgio Baffo  ―  Tomo II

Ve prego, sior Piovan, per carità

1789

Edission original:	Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789
Fonte:	Indice:Raccolta universale delle opere di Giorgio Baffo 2.djvu

←  Me par, che la politica no vogia

Edission e fonte ▼

In frà i mestieri della vita umana  →

AL PARROCO DE CONTRADA.

SONETTO

Ve prego, sior Piovan, per carità
    De contrada no stè a scazzar le Done,
    Perchè queste no xe opere bone,
    4Ma le xe contro della carità.

Che se ghe xe de quelle, che ve fà
    De quelle cose, che ve par barone,
    In vece de cazzar via ste persone,
    8Andeghe a predicar la carità.

Gesù Cristo imitè, che ben defesa
    Sarà la vostra causa, e persuasa
    11Sarà la zente della vostra impresa;

Citelo lù per far, che ognuno tasa,
    Che bensì l'hà scazzà zente de Chiesa,
    14Ma no l'hà scazzà mai gnessun de Casa.