Una bela conversion!
|
Edission original: |
"Sior Tonin Bonagrazia" del 9 Luglio 1920 |
|
Fonte: |
http://invenessian.blogspot.com/2010/08/giambattista-velluti-tita-pindol.html |
| Edission e fonte ▼ |
Siora Rosina, fia de la Parona
del Cafè che i ga verto in salizada,
la marciava, per quanto sia a la bona,
4in decolté, tuta sbonigolada!
Ancuo, invece, che el caldo no minchiona,
la va in giro compunta per la strada,
vestìa, da testa ai piè, co’ fa una nona
8pudicamente, schena e sen tapada!
Che i l’abia convertìa? - dise un esperto -
Se a l’ocio ancuo del publico la stropa
11quelo che un zorno la tegniva averto?
Sì ‘mpare! E no ghe impianto una falopa:
chi la ga convertìa xe sta de çerto,
14un fiol d’un can d’un favo, su la copa!!!