Un insogno vero
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← In smara | Edission e fonte ▼ | La Pruçission del Cristo → |
XLIV.
UN INSOGNO VERO
Me so insognà che ti ti geri in Rio
Che ti nuavi come 'na sardela:
O, Zanze, quanto che ti geri bela
Co ti favi la morta sul cuor mio!
Ma quando che zigar te gò sentio:
— «Bastian, me nego!» Corpo de 'n'anguela
Me gò cavà le braghe e la fanela
E dal Ponte gò fato un caorìo.
Ti, ti zigavi: ― «Sàlveme, Bastian!»
E mi: ― «Ciàpete quà, e no farte mal!»
Ma ti, ti andevi sempre più lontan.
Co ti xe andada in fondo del Canal,
Me svegio, e... (varda ciò che insogno can):
No meteva le man in-te'l bocal!...