Tre soli gusti, e veri a mi me par
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Sia benedetto pur el tempo, e 'l liogo | Edission e fonte ▼ | Un gran gusto, che hò bù veder a brazzi → |
Tre soli gusti, e veri a mi me par
Ghe sia a sto Mondo, e diga pur chi vuol;
Uno xe quello, co chiavar se puol
4La Donna, che v'hà fatto sospirar;
El secondo xe quello de magnar,
Quando da fame el stomego ve diol,
El terzo, che ai do altri el liogo tiol,
8El xe quando, che scampa da cagar.
Mi sò, che avanti, e dopo mal se stà
Del chiavar, e magnar, co ben riffletto,
11O per la vogia, o per la sazietà;
Nò cussì del cagar, che dà diletto
Quando, che scampa, e quando, che se fà,
14Onde a rason lo stimo un gran licchetto.