Tra barcarioi

by Antonio Negri

3 Tra barcarioi In gondoleta. Barcarole e rime veneziane Parcossa? El scaldin Antonio Negri 1895 XIX Poesie

Indice:In gondoleta.pdf

Antonio Negri ―  In gondoleta. Barcarole e rime veneziane

Tra barcarioi

1895

Edission original:	Antonio Negri, In gondoleta, Barcarole e rime veneziane, Milano, Carlo Aliprandi, 1895
Fonte:	Indice:In gondoleta.pdf

←  Parcossa?

Edission e fonte ▼

El scaldin  →

TRA BARCARIOI

---

— Se s'à da vedar! Fiol d'un can! De ponta
     In te 'sto modo, in pope, zo 'l me vien!...¹
     E po' 'l ride, quel bogia, anca per zonta...²
     Ma no ingioto³ perdio, no, 'sto velen!

5El ga razon che so' obligà col nolo,
     Se no lo ciaparave⁴ per el colo;

Ma speta, buratin, che vegna in tera:
     A pugni te farò cambiar maniera!

(due ore dopo, a terra)

— El diga, lu m'à dà in pope un urton
     10Co' gera co foresti do ore fa....
     Go promesso de farme far razon:
     Da l'osto i testimoni ghe sarà.

— Ma cossa gh'entro mi?... No ò fato aposta.....
     — Nato d'un can! se el ga sbregà⁵ na costa!

15— El diga, per so' ben, guai se nol tase!
     — Ben, zo, 'ndemo da l'osto e femo pase! —

---

1. vegner de ponta = colpire con la prua.
2. per zonta = per giunta, per di più.
3. no ingioto = non trangugio; qui: non mando giù questo insulto.
4. ciaparave per el colo = prenderei per il collo.
5. sbregà = squarciato.