Tombola
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← Parla el mulo Tunin | Edission e fonte ▼ | El portonier → |
Tombola
Per la fameia no ghe diol la testa,
Zogar tombola xe la sua passion,
E no ghe servi se el marì la pesta
Zigando che la fia va torsiolon,
Sia giorno de lavor o sia de festa
Co finì de magnar xe quel bocon,
Ma gnanca se i la liga no la resta,
No ghe xe per quel vizio remission.
— Sessantaquatro, vintidò, disdoto!
— Le gambe dele done, i s’ciavi in piè,
E la fia la xe atorno col merloto.
Sete! Nove!... Zinquina!.. Ecola qua!..
E la fia che col merlo fora xe,
Giusto in quel punto tombola la fa.