Tiro
|
Edission original: |
Olindo Guerrini, Le Ciàcole de Bepi, Roma, 1908 |
|
Fonte: |
| ← Concistoro | Edission e fonte ▼ | A proposito d'uno sproposito → |
.jpg)
TIRO.
Ascendunt usque ad coelum et descendunt usque ad abyssos.
Psal. CVI, 26.
ANCA mi gò tirà da zovenoto
E, sior sì, go ciapà qualche tordina;
E co vedeva un merlo o un becanoto,
Gera una strage, gera una rovina:
Ma ancùo, paroni, che no fazzo moto,
Quel antigo mio schiopo a martelina
Gà perso l'azzalin, gà el calzo roto
E pendola da un ciodo zo in cantina.
El gavèva la cana damaschina,
El scato pronto, el càlibro grandoto,
Da tirar con le bale e a megiarina;
Ma da tant'ani che nol tira un boto,
La rùzene lo magna, e se indovina
Che adesso la xe un'arma de pancoto.