Ti fotterà, se ti averà giudizio
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Senti, buzarona, abbi giudizio | Edission e fonte ▼ | Cos'è, per aver bù un pò de solazzo → |
Ti fotterà, se ti averà giudizio,
Te ne darò più a ti, ch'a questo, e a quello
Ma no voi, che ti me metti mai l'Osello,
4Zà ti m'intendi, drento a quel servizio;
Perchè una volta ti m'hà dà un indizio
Assae cattivo in mezzo d'un bordello,
Ti volevi tirar zoso a bel bello
8Un bel ragazzo, e farghe quel servizio.
Basta, mi te perdono, e in sto momento
Mi te fazzo paron della mia Potta,
11Perchè ti torni un'altra volta drento.
Ogni dì la sarave troppa botta,
Siben disposta anca ogni dì me sento,
14Donca ogni dì el to Cazzo ben me fotta.