Taranto

by Umberto Foà

4 Taranto Nuove rime veneziane di guerra e di pace Da l'Adriatico a l'Ionio Brindisi VIÇIN DE LA MIA CUNA Umberto Foà 1917 XX Poesie

Indice:Nuove rime veneziane di guerra e di pace.djvu

Umberto Foà ―  Nuove rime veneziane di guerra e di pace  ―  Da l'Adriatico a l'Ionio

Taranto

1917

Edission original:	Umberto Foà, Nuove rime veneziane di guerra e di pace, Firenze, Libreria Internazionale, 1917
Fonte:	Indice:Nuove rime veneziane di guerra e di pace.djvu

←  Brindisi

Edission e fonte ▼

VIÇIN DE LA MIA CUNA  →

TARANTO

Taranto vecia e nova,
parte, forza tranquila,
pronte per ogni prova,
4le navi tute in fila.

Xe el Mar Picolo piato,
nebioso e un fià patetico,
mi quà sul Peripàto¹
8fasso el peripatetico.

O Armada, da le òstreghe
tegnìndote lontana,
la nostra forza mòstreghe
12al ladro che se intàna.

Ti parti e intanto vardo
con un strucon del cuor
la chiglia a la "Leonardo,"
16tomba de un gran dolor.

El Canàl dei do mari
co le "zenza paura" ²
traversa, a colpi e spari
20rèndine più secura

quel'altra riva. Quando
ti va incontro al nemico,
passà tuto el Mar Grando,
24salùda Sebenico!

Gh'è unite a le italiane
navi inglesi e françesi....
'Na volta veneziane,
28pisane, genovesi,

de Bizanzio e Ravena,
partìa per le Crociate:
la insania Saraçèna
32anca ancùo se combate!

Per salvàr da ipotèca
todesca el nostro mar,
Taranto bela e greca,
36se lota e se scompàr!

Ricorda ancora i tempi³
de Orso Particiaco,
quei là no gera esempi,
40no, de un secolo fiaco!

Pensa l'ora lontana
de la to gloria greca,
de la gloria romana,
44contra i tirani impreca!

E dal novo arsenàl,
che nel golfo se specia,
risplenda al dì fatal
48domàn la Magna Grecia!

---

Note a cura de l'autor

1. La bellissima villa pubblica di Taranto sul Mar Piccolo.
2. Le Dreadnoughts.
3. La battaglia di Taranto combattuta da Bizantini e Veneziani condotti da Orso Particiaco contro i Saraceni nell' 870.