Brindisi (Umberto Foà)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
100 percent.svg
Qualità del testo: sto testo el xe stà trascrito e rileto.
[p. 56 modifica]
BRINDISI


Brindisi, quando Orazio
vegnìa per l'Apia via,
ormài de basi sazio,
4in gran malinconìa,

e la metà del cuor,
Vergilio, quà el lassava,
ti geri in gran splendor,
8Roma assàe te stimava.

Dopo atraverso a secoli
de morte e decadenza
in molte imprese çelebri
12ti ga avùo preminenza.

De quà per le vie Crociate
da tuto l'Oçidente,
galere e zenti armate
16partiva per l'Oriente.

[p. 57 modifica]


Solo gera restà
el nome tuo nel vin
che tanti ga imbriagà,
20Brindisi, de morbin.

Brindisi, nei bancheti
de gala e ne le çene,
a propiziàr progeti,
24desmentegàr le pene.

Ancùo per nostra grazia
se svegia el vecio cuor...
Nel porto che no sazia
28la luse in gran splendor,

nere le çiminiere,
se ferma a le calate
gran navi e corazzate,
32svelte torpediniere...

Poco le resta e bona
guardia sul Nostro Mar
le fa, ride Valona
36nostra e la sta a vardàr!