Pagina:Nuove rime veneziane di guerra e di pace.djvu/62

TARANTO

Taranto vecia e nova,
parte, forza tranquila,
pronte per ogni prova,
4le navi tute in fila.

Xe el Mar Picolo piato,
nebioso e un fià patetico,
mi quà sul Peripàto¹
8fasso el peripatetico.

O Armada, da le òstreghe
tegnìndote lontana,
la nostra forza mòstreghe
12al ladro che se intàna.

Ti parti e intanto vardo
con un strucon del cuor
la chiglia a la "Leonardo,"
16tomba de un gran dolor.

1. La bellissima villa pubblica di Taranto sul Mar Piccolo.