Su la tomba dei fradei Bandiera

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Adolfo Gerani ― Poesie veneziane

Su la tomba dei fradei Bandiera

1903

Edission original:	Adolfo Gerani, Poesie veneziane, Venezia, C. Ferrari, 1903
Fonte:	Indice:Gerani - Poesie veneziane, Venezia, Ferrari, 1903.pdf

← A la Musica in Piazza

Edission e fonte ▼

I colombi de sa' Marco →

[p. 10 modifica]

VII.

SU LA TOMBA

DEI FRADEI BANDIERA

(a San Zanipolo)

O degni fioi de quela Dona forte
     Che de patria a l'amor ve gà nutrii,
     Se in vita geri sempre insieme, in morte
     Ve gà Venezia quà in sta tomba unii.

A far un zorno le Calabrie insorte
     Co Moro per Cossenza se' partii
     Cantando: «Adio, mia bela, adio!» Ma sorte
     Gà vossudo che fussi po tradii...

Zigando: Viva Italia! saludevi
     La sentenza de morte; e po abrassai
     Come a un balo, cantando, a morte andevi.

E in-t'el momento de esser fusilai,
     Squasi contenti de morir cantevi:
     «CHI PER LA PATRIA MUOR VISSUTO È ASSAI»