Sonetto del Paronzin

by Carlo Goldoni

Carlo Goldoni

Sonetto del Paronzin

1745

Edission original:	"Tutte le opere" di Carlo Goldoni; a cura di Giuseppe Ortolani; volume 13, seconda edizione; collezione: I classici Mondadori; A. Mondadori editore; Milano, 1955
Fonte:	http://www.liberliber.it/mediateca/libri/g/goldoni/componimenti_poetici/pdf/compon_p.pdf

Edission e fonte ▼

Soneto scrito e mandà, con letera del 13 agosto 1745, a l'ator Cesare d'Arbes par la so comedia el Paronzin. Varda la voce su Cesare d'Arbes in Notizie istoriche de' comici italiani che fiorirono intorno all'anno MDL fino a' giorni presenti de Francesco Bartoli (Google Books)

Finalmente anca mi son arrivà
A aver al fianco un tocco de muggier;
Contento son, e spero de goder
4Tutte le più compie felicità.

Ma sento alcuni che disendo va:
Quanto, quanto s'inganna el to pensier;
Quello del matrimonio l'è un piacer
8Che prestissimo passa, e se ne va.

Xe giusto la muggier come la rogna:
El gusto del grattar piase all'eccesso,
11Ma po resta el brusor e la vergogna.

Diga ognun quel che vol, mi son l'istesso;
Colle donne, lo so, soffrir bisogna,
14E qualcossa donar bisogna al sesso.