Sonetto contro il N. H. Bragadin
|
Edission original: |
Pietro Buratti, Poesie e satire di Pietro Buratti veneziano, corredato di note preliminari ed annotazioni scritte dallo stesso autore, Amsterdam, J. Loocke, e figlio, 1823 |
|
Fonte: |
| ← L'Innocenza | Edission e fonte ▼ | Barbareide prima → |
Contro il nobiluomo Bragadin Autore d'una Commedia intitolata L'Apparenza inganna, rappresentata in Padova una sola sera col più tristo effetto.
O Dio! zelenza! che vù fussi un mona
La gera l'opinion universal,
Ma come de vù solo gera el mal
La finiva col dir: Dio gh'el perdona.
Ma che montessi pò su l'Elicona
Per cazzarne in tel culo un servizial
De tre ore continue... Buzzerona!
L'è un'insolenza che no gà l'egual.
Mo no gera megio de cambiar
El titolo, e de dir che l'aparenza
No la gà el vizio mai de cogionar?
Avressi ben sentio tuta l'udienza
Lodarve ne l'assunto e confessar
Che l'à provà col fato so zelenza.