L'Innocenza

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Buratti ― Poesie e satire di Pietro Buratti veneziano

L'Innocenza

1823

Edission original:	Pietro Buratti, Poesie e satire di Pietro Buratti veneziano, corredato di note preliminari ed annotazioni scritte dallo stesso autore, Amsterdam, J. Loocke, e figlio, 1823
Fonte:	Indice:Poesie e satire di Pietro Buratti veneziano.pdf

← Sonetto per le SS. Feste di Natale

Edission e fonte ▼

Sonetto contro il N. H. Bragadin →

[p. 72 modifica]

CANZONCINA PER MUSICA

L'innocenza.

Siora mare! sta matina
     (La indovina)
     Canarin e canarina
     Tuti dò col so zufeto.
     Visti gò nel cesteleto
     Far cuzzeto ― e smorosar.
Che sestini! che graziete!
     A le strete
     Gera i bechi, e co le alete
     Certi moti i se faceva
     Che convulsi li vedeva
     Qualche tiro minaciar.
E de fati el maschio lù
     (Proprio lù)
     Salta, cerca, e monta sù:
     Ne culia fa gnanca un moto,
     Ma la coa ghe slarga soto
     E và in oca el canarin.
Siora mare benedeta
     (Son sempieta)
     Se gavesse una chebeta
     Poderia, co so permesso,
     Cufolarme a far l'istesso
     Con quel mato de Tonin?