Pagina:Spiere de Sol.djvu/32

SONETTO ACROSTICO
A «Virginia Reiter»

Vera e sana xe l'arte che al Goldoni¹
In ste sere, Virginia, go sentìo:
Ricordo che davanti a quei to ocioni
4Go sempre e co' calor aplaudìo,

I basi... quei capriçi quei struconi
No... no go visto mai co' tanto brio;
I sesti e quei to moti cocoloni
8Ah!... tuto tuto in testa go scolpìo.

Rare, rare ga l'arte cussì fina
E, come ti, xe atriçi de sta sorte:
11In scena ti ti xe la me regina!

Ti xe regina e l'arte tua la sluse,
E la sluse cussì che degna e forte
14Rival ti xe d'Eleonora Duse!!!

1. Teatro de Venezia