Se ti gavessi un pò de raziocinio
Se ti gavessi un pò de raziocinio
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Perchè no ziro più, ti te lamenti? | Edission e fonte ▼ | Mona, stame lontan per carità → |
SIMILE.
SONETTO
Se ti gavessi un pò de raziocinio
Ti ti me dovaressi ringraziar,
A bon conto cussì ti puol studiar,
4Senza, che t'impedissa el tirocinio.
Ti puol aver sul senso più dominio,
E in seguito la vita anca slongar,
E, come el too ti puol più sparagnar,
8Ti è salvo de no andar in esterminio.
De cosa donca vustu lamentarte?
Ti gaverà, co più no ti và drento,
11Tanto manco peccai da confessarte.
Ti viverà più quieto, e più contento,
Ma dime; dove lassistu da parte
14El ben de no chiappar un scolamento?