Se scampà da Titon la bela Aurora

by Gian Giacomo Mazzolà

3 XI I cavei de Nina X XII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XI

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  X

Edission e fonte ▼

XII  →

XI

Se scampà da Titon la bela Aurora
     Per el Ciel semenando va a cestei
     Le riose e i zegi, tuto el mondo alora
     4Se consola, e a cantar scomenza i osei.

Se in Primavera va la cara Flora,
     Zirando per i campi i ochieti bei,
     L'erbesine e i fioreti spunta fuora,
     8E core a pascolar pegore e agnei.

Se'l Sol i ragi soi mostra e destende,
     Se incolorisse el Ciel, la Tera e 'l Mar,
     11Tuto belo se fa, tuto resplende:

Ma se Nina i Cavei spiega, i se vede
     Più assae che 'l Sol, che Flora e l'Alba a far:
     14E l'Alba e Flora e 'l Sol tuto ghe cede.