XI
Se scampà da Titon la bela Aurora
Per el Ciel semenando va a cestei
Le riose e i zegi, tuto el mondo alora
4Se consola, e a cantar scomenza i osei.
Se in Primavera va la cara Flora,
Zirando per i campi i ochieti bei,
L'erbesine e i fioreti spunta fuora,
8E core a pascolar pegore e agnei.
Se'l Sol i ragi soi mostra e destende,
Se incolorisse el Ciel, la Tera e 'l Mar,
11Tuto belo se fa, tuto resplende:
Ma se Nina i Cavei spiega, i se vede
Più assae che 'l Sol, che Flora e l'Alba a far:
14E l'Alba e Flora e 'l Sol tuto ghe cede.
