Se quando, che la testa hò messo fuora

by Giorgio Baffo

3 Se quando, che la testa hò messo fuora Raccolta universale delle opere di Giorgio Baffo Tomo I Dalla Mona, perchè m'aveu cavà Mona, cosa mai xestu, che ti hà tanta Giorgio Baffo 1789 XVIII

poesie

Giorgio Baffo ―  Raccolta universale delle opere di Giorgio Baffo  ―  Tomo I

Se quando, che la testa hò messo fuora

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Dalla Mona, perchè m'aveu cavà

Edission e fonte ▼

Mona, cosa mai xestu, che ti hà tanta  →

COMPENSO ALLE MISERIE

SONETTO

Se quando, che la testa hò messo fuora
    Del buso de mia Mare, in quell'istante
    Mi avesse visto le disgrazie tante,
    4Che hò da patir avanti, che mi muora,

De pianzer per magnar alla tal'ora,
    D'aver ligà in le fasce brazzi, e piante,
    De star sotto la sferza d'un Pedante,
    8Che m'avesse oltre al dir de dar ancora;

E pò tanti travaggi, e infermità;
    Sarìa ben stà una razza buzarona,
    11Se indrìo no fusse subito tornà;

Quando per sorte una gran bona Dona;
    Che in quel caso sarìa restà de quà,
    14No m'avesse in quel dì mostrà la Mona.