Se mi fusse l'autor della Natura

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 31 modifica]
PROGETTI DELL'AUTORE.


SONETTO


Se mi fusse l'autor della Natura;
    Altro, che Donne no vorrìa formar,
    E me vorrìa in un Omo trasformar
    4Co un Cazzo longo un brazzo de mesura.

El Paradiso lasserìa a drittura
    Per vegnir co ste Donne a conversar,
    E tutte quante le vorrìa chiavar
    8Senz'aver de fenirla mai paura.

Solo a pensarghe un gran gusto mì provo;
    E quando, che le prime me stuffasse,
    11Ghe ne vorrave fabbricar da niovo.

Gnanca Eunuchi no vorrave, nè Bardasse;
    Perchè a custìe no ghe vegnisse el vovo
    De far, che qualchedun ghe la licasse,
                15O che ghe la menasse,

[p. 32 modifica]


Perchè mai in gnessun tempo mi vorrìa
    Aver da sopportar la zelosìa.
                18Un bel Mondo sarìa

De Donne tutte belle, e tutte sane,
    Tutte esenti dal mal delle puttane;
                21Che alle miserie umane

No le fusse soggette, nè a pissar,
    Nè a peti, nè a marchese, nè a cagar;
                24Me le vorrìa formar

De bella carnaggion, de bei colori,
    E che savesse el Cul da mile odori,
                27Come un zardin de fiori

Vorrìa fusse la Mona, e 'l so peletto
    Savesse d'acqua nanfa, e da zibetto;
                30E quando dal diletto

[p. 33 modifica]


Le sborasse ste mie manifatture,
    Che savesse da bon le sboraure;
                33Le Tette sempre dure

Vorrìa, che le ghe stasse, nè le chiappe
    No vorrìa mai ghe deventasse fiappe,
                36Nè le fasse le rappe,

Vorrave, che le stasse sempre nue,
    Come dalle mie man le xe vegnue;
                39De gran bone fottue,

E in tante forme ghe vorrave dar,
    Quante, che mai podesse mi inventar;
                42Le vorrìa sverzenar,

E, quando tutte quante fusse rotte,
    Le vorrìa far sparir in t'una notte,
                45E far dell'altre Potte,

[p. 34 modifica]


In summa mi vorrìa, che quelle belle
    Tettine, che le gà bianche, e novelle;
                48Le fusse le mie stelle,

La panza fusse 'l Sol, e quella bruna
    Sfesetta, che le gà, fusse la Luna
                51Senza macchia gnessuna;

E quel so bel Culetto in do diviso
    53El fosse del mio Cazzo el Paradiso.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Se_mi_fusse_l%27autor_della_Natura&oldid=42806"