Se fa novizzo un certo zentilomo
Se fa novizzo un certo zentilomo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Vardo Roma coi occhj della mente | Edission e fonte ▼ | Cara Siora novizza, mi ve auguro → |
IN OCCASIONE DEL NOVIZZO ZON.
SONETTO
Se fa novizzo un certo zentilomo,
Gobbo, picolo, strupio, e descolà,
E se volemo dir la verità
4El gà più della Scimia, che dell'Omo.
I dise, che l'è un fior de galantomo,
Pulito, dotto, e pien de facoltà,
Anzi, che 'l gà in braghesse mal liogà,
8Co le carte no falla, un gran bel tomo.
La Sposa la xe granda de statura,
Ben fatta, una graziosa Zentildona,
11Abbondante de beni de Natura,
Onde 'l Sposo i lo liga a 'na colona
Del letto co 'na gamba per paura,
14Ch'in tel chiavarla nol se perda in Mona.