Se del veneto eroe che dei corsari

by Giovanni Battista Bada

3 Se del veneto eroe che dei corsari Giovanni Battista Bada XIX Soneti

Indice:Opere di Giambattista Bada IV.pdf

Giovanni Battista Bada

Se del veneto eroe che dei corsari

XIX secolo

Edission original:	Giovanni Battista Bada, Opere in versi edite e inedite in vernacolo familiar Venezian, Tomo IV, Venezia, Adolfo Cesare, 1800
Fonte:	Indice:Opere di Giambattista Bada IV.pdf

Edission e fonte ▼

SONETO.

Se del veneto eroe che dei corsari
     Ha sogiogà l’ardir, cento poeti
     Con poemi, canzon e con soneti
     4Canta le glorie riportae in quei mari.

E se altri cento vol cantar del pari
     In mesti carmi, e flebili conceti
     La morte de sto tal, a sti sogeti
     8Ardisso unir anca i mii pianti amari.

Ah xe pur tropo ver che Morte fura
     Prima i migliori, e lascia star i rei
     11Cussì no fusse a nostra gran sventura

Che ancuo no riderave tuti quei
     Che ha pianto un zorno dela so bravura
     14Al eco aponto de sti nostri oimei
                              Ma se dei semidei
     In Venezia la razza no xe estinta
     17Trista zenia no ve la dè per vinta.