Scomenza a desgiazzarse ogni palùo

by Gian Giacomo Mazzolà

3 XXV I cavei de Nina XXIV XXVI Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XXV

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXIV

Edission e fonte ▼

XXVI  →

XXV

Scomenza a desgiazzarse ogni palùo;
     Nina, nè l'acqua xe più tanto pegra;
     Ogni alboro de fogie spogio e nuo
     4Torna za a farse verde e se ralegra.

Ogni campo, ogni pra par un velùo,
     Ogni razza de bestie, e osei xe alegra;
     Tuto bagola e ride al dì d'ancuo,
     8E mi, mi solo go l'anema negra.

Per mi solo no torna Primavera,
     Mi solo in mezo a tante so alegrezze
     11Sospiro e smanio da matina a sera;

Nè certo lassarò de sospirar,
     Se co la vista ti de le to Drezze
     14Sto cuor no ti me vien a consolar.