XXV
Scomenza a desgiazzarse ogni palùo;
Nina, nè l'acqua xe più tanto pegra;
Ogni alboro de fogie spogio e nuo
4Torna za a farse verde e se ralegra.
Ogni campo, ogni pra par un velùo,
Ogni razza de bestie, e osei xe alegra;
Tuto bagola e ride al dì d'ancuo,
8E mi, mi solo go l'anema negra.
Per mi solo no torna Primavera,
Mi solo in mezo a tante so alegrezze
11Sospiro e smanio da matina a sera;
Nè certo lassarò de sospirar,
Se co la vista ti de le to Drezze
14Sto cuor no ti me vien a consolar.
