Scolta mo in rechia: Sapi, Nina mia...
|
Edission original: |
Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 4.djvu |
| ← XXXIV | Edission e fonte ▼ | XXXVI → |
Scolta mo in rechia: Sapi, Nina mia...
Ohe pian, che nissun senta; Sapi, che...
Ma! varda ben no dirlo, gnanca se
4I fasse de ti, cara, becarìa;
Sapi... Go pena a dirlo infin per dia
A ti, che so che dona che ti xe:
Sapi... Nina! Possibili? Varda ve,
8A ti el digo, e a qualunque no 'l dirìa;
Sapi in soma, che quei Cavei d'oro
Xe qualche tempo (varda che delito!)
11Che come cosse sante mi li adoro:
Se 'l savesse qualcun, gramo mai mi!
Ohe per amor de Dio te prego, zito,
14Che no lo sapia altri che Amor, mi e ti.