Rossa e bianca

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Gino Cucchetti ― Spiere de Sol!

Rossa e bianca

1905

Edission original:	Gino Cucchetti, Spiere de Sol!, Roma, Tipografia Elzeviriana, 1905
Fonte:	Indice:Spiere de Sol.djvu

← La Nina al pozo

Edission e fonte ▼

La conquista de la Nina →

[p. 3 modifica]

ROSSA E BIANCA

A NINETA

Co te vedo passar soto i balconi
Tuta rossa nel viso e scalmanada,
Nineta mia, per quei do bei ocioni,
4Me butarave zoso ne la strada.

Quel rosso che te imporpora la çiera,
Quel rosso cussì vivido incarnà,
Te fa parer un fior de primavera,
8Un bocolo de riosa profumà.

Soto i balconi co passar te vedo
Col viso bianco, un poco palideta,
Nel cor me sento un brivido de fredo,
12E un brivido... d'amor par ti, Nineta!

Un anzolo ti par del paradiso
Col bianco te incorniza quei to ocioni...
Rossa o bianca... voria basarte in viso
16Co te vedo passar soto i balconi...