La Nina al pozo
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← Disilusion! | Edission e fonte ▼ | Rossa e bianca → |
LA NINA AL POZO
Go conossuo la Nina un ano fà;
gera de inverno, un fredo natarelo,
mi drento a la peliza imbacucà
4misurava le piere del campielo;
Ela stava picando el so secelo
rente del pozo, e mi me son fermà,
go dà l'ociada a quel viseto belo,
8co la Nina discorso go tacà.
Ghe go parlà de la passion che in cuor
me gera nata, apena cognossua,
11del mio ben, del mio afeto e del mio amor;
Cussì che quela sera, in te sto modo,
la Nina xe tornada a casa sua
14col cuor sghionfà... ma co 'l secelo vodo!