Roba imprestada o persa o donada
|
Edission original: |
Carlo Rumor, Chi le conta xe qua, Venezia, Scarabellin, 1904 |
|
Fonte: |
Indice:Rumor - Chi le conta xe qua, Venezia, Scarabellin, 1904.pdf |
| ← La Musa ze straca | Edission e fonte ▼ | Sul divorzio (dialogo fra barcaroli) → |
Un zorno dixe Menego
al so compagno Nando
che gera laureando
de l'università:
«So che ti xe instancabile
» letor de gran romanzi,
» che de moderni, anzi,
» ti ga 'na colezion.
» Ti sa che mai la fisica
» la mia passion xe stada,
e çerto mi la strada
» no trovo de studiar.
» Fame 'l piaçer, imprestime
» do tre romanzi boni,
» che mi co do supioni
» za leti gavarò;
» xe çerto, sicurissimo,
» no passa gnanca un zorno,
» che beli de ritorno
» mi te li portarò».
— No xe a ti solo, credíme, —
risponde alora Nando,
― che vado rifiutando
— de farghe sto piaçer,
— ma xe per abitudine
— che mi no impresto gnente,
— un libro specialmente
— indrio non torna più.
— E qua te provo subito
— se go rason o torto,
— perchè el to naso storto
— co mi no ga da star:
— I libri che co strussie
— go a casa rancurai
— i me li ga prestai
— e me li tegnarò. —