» xe çerto, sicurissimo,
» no passa gnanca un zorno,
» che beli de ritorno
» mi te li portarò».
— No xe a ti solo, credíme, —
risponde alora Nando,
― che vado rifiutando
— de farghe sto piaçer,
— ma xe per abitudine
— che mi no impresto gnente,
— un libro specialmente
— indrio non torna più.
— E qua te provo subito
— se go rason o torto,
— perchè el to naso storto
— co mi no ga da star:
— I libri che co strussie
— go a casa rancurai
— i me li ga prestai
— e me li tegnarò. —
