Quando, che della Baffa i tradimenti

by Giorgio Baffo

3 Quando, che della Baffa i tradimenti Raccolta universale delle opere di Giorgio Baffo Tomo II Sta Baffa la xe stada 'na gran Dona Ghè de quei, che se vanta, e fà schiamazzo Giorgio Baffo 1789 XVIII poesie

Indice:Raccolta universale delle opere di Giorgio Baffo 2.djvu

Giorgio Baffo ―  Raccolta universale delle opere di Giorgio Baffo  ―  Tomo II

Quando, che della Baffa i tradimenti

1789

Edission original:	Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789
Fonte:	Indice:Raccolta universale delle opere di Giorgio Baffo 2.djvu

←  Sta Baffa la xe stada 'na gran Dona

Edission e fonte ▼

Ghè de quei, che se vanta, e fà schiamazzo  →

SULLO STESSO ARGOMENTO.

SONETTO

Quando, che della Baffa i tradimenti
    Hà penetrà el Sultan, no ghè stà caso,
    Che 'l voggia mai più andar in tel so vaso,
    4Siben, che 'l gà provà dei gran contenti.

Per quanto l'abbia usà d'allettamenti,
    Nol s'hà più in gnessun tempo persuaso,
    L'hà scomenzà alle Schiave a dar de naso,
    8E i primi l'hà lassà so godimenti.

Per veder, se i strighezzi fà el so effetto;
    El s'hà messo a chiavar da desperà,
    11E mi credo per farghe anca despetto.

Alfin dal gran chiavar el s'hà ammalà,
    E per provar, se 'l Cazzo ghe stà dretto,
    El xe andà tanto drìo, che l'è crepà,
                    15Ella sempre hà regnà,

Nò solamente sul Sultan marìo,
    Ma de più ancora sul Sultan so fìo.
                    17Ah! Se del sangue mìo

Ghe xe drento in le vene dei Sultani,
    20No stupisso, se i fotte, come Cani.