Proprio su l'Azio mar 'na certa croda

by Gian Giacomo Mazzolà

3 LXXXVIII I cavei de Nina LXXXVII LXXXIX Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXXXVIII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXXXVII

Edission e fonte ▼

LXXXIX  →

LXXXVIII

Proprio su l'Azio mar 'na certa croda
     Da un monte de Leucadia sporze in fuora,
     Che chi se ghe tra zoso, in pe che 'l muora,
     4D'ogni amor se desmentega e se svoda.

E lontan gnanca el viazo de mez'ora
     Gh'è un fiumeselo, che chi al Sol se invoda,
     E in quel'acqua tre volte a Luna voda
     8Soto e sora va e vien, se desnamora.

Ga provà el fiumeselo Deucalion,
     Safo la croda, e gh'è passà ogni ardor,
     11Quel Pira s'à scordà, questa Faon.

Se credesse anca mi poder rivar
     Sta Coa a scordarme, e cazzar via sto amor
     14Mi sto viazeto lo voràve far.