LXXXVIII
Proprio su l'Azio mar 'na certa croda
Da un monte de Leucadia sporze in fuora,
Che chi se ghe tra zoso, in pe che 'l muora,
4D'ogni amor se desmentega e se svoda.
E lontan gnanca el viazo de mez'ora
Gh'è un fiumeselo, che chi al Sol se invoda,
E in quel'acqua tre volte a Luna voda
8Soto e sora va e vien, se desnamora.
Ga provà el fiumeselo Deucalion,
Safo la croda, e gh'è passà ogni ardor,
11Quel Pira s'à scordà, questa Faon.
Se credesse anca mi poder rivar
Sta Coa a scordarme, e cazzar via sto amor
14Mi sto viazeto lo voràve far.
