Primavera (Berto Barbarani)

by Berto Barbarani

4 PREFAZIONE — PRIMAVERA I sogni Libro I.° — I SOGNI Berto Barbarani 1922 XX Poesie veronese

Indice:I sogni.djvu

Berto Barbarani ―  I sogni

PREFAZIONE — PRIMAVERA

1922

Edission original:	Berto Barbarani, I sogni, 3° Canzoniere, Verona, Mondadori, 1922
Fonte:	Indice:I sogni.djvu

Edission e fonte ▼

Libro I.° — I SOGNI  →

PRIMAVERA

AD ANGELO DALL'OCA BIANCA

— Senti Angelo che ciasso
me sucede. L'altra sera
son in Borgo¹ fora a spasso
e tic tac, la Primavera,
5ghe l'ho bela e soto el brasso!

Eco, un'altra dona, amigo,
che me fa pirlar² la testa:
Ohe, parona, siora, digo,
(l'avea tolta par foresta)
10la me mola se no sigo...³

— Ciò, vilan, la me risponde:
Ela questa la maniera
de tratar le siore bionde,
che g'à un nome: Primavera,
15da la viola che se sconde!?

G'onti⁴ musa da birbante
che ghe fasso sta paura,
mi regina de le piante,
mi la sbrindola⁵ più pura,
20si ben sia la più galante?

Soto el sol de ste scarpine
sbocia i fiori al me comando,
e se struco le tetine
fora late che de spando
25par latar le me putine...

G'ò a remengo fioi despersi
par i boschi e par i campi
e se el voi, da parte i schersi,
darme un pochi dei so stampi
30quei bei stampi da far versi,

se el g'à el cor che ghe scombate,
se l'è duro de pensier,
con do gosse de sto late
co una nosa⁶ de butier,
35eco un piato de idee fate...

Eco un altro cansonier!

---

Note a cura de l'autor

1. In Borgo: si suppone l'antico Borgo Trento, che è il più prossimo alla collina e il più poetico
2. pirlar: girare
3. sigo: grido, chiamo.
4. G'onti: ho io?
5. sbrindola: vagabonda
6. nosa: noce.