Pagina:I sogni.djvu/8

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



G'onti1 musa da birbante
che ghe fasso sta paura,
mi regina de le piante,
mi la sbrindola2 più pura,
20si ben sia la più galante?

Soto el sol de ste scarpine
sbocia i fiori al me comando,
e se struco le tetine
fora late che de spando
25par latar le me putine...

G'ò a remengo fioi despersi
par i boschi e par i campi
e se el voi, da parte i schersi,
darme un pochi dei so stampi
30quei bei stampi da far versi,

se el g'à el cor che ghe scombate,
se l'è duro de pensier,
con do gosse de sto late
co una nosa3 de butier,
35eco un piato de idee fate...

Eco un altro cansonier!

  1. G'onti: ho io?
  2. sbrindola: vagabonda
  3. nosa: noce.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:I_sogni.djvu/8&oldid=66627"