Salta al contegnùo

Per una maniza donadaghe da la so' morosa

Xonta lingambo
Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Anzolo Inzegneri
Per una maniza donadaghe da la so' morosa
fine '500 - primi del '600
Edission e fonte ▼
[p. 12 modifica]
PER UNA MANIZA DONADAGHE
DA LA SO' MOROSA.[1]


     Chi me fa cavalcar
Con un caldo a le man,
Che me conforta tuta la persona?
Chi me farà cantar
In stil venizian
Eternamente, e ancora in lengua bona?
La pì cortese dona:
Una signora la pì singular,
Ch'abia Roma, e che sia,
Sora la fede mia
(El vòi[2] dir che l'è 'l vero) in tera e in mar,
Degna de cose assai,
E de star viva e fresca sempremai.
     Man certo aventurà,[3]
Ch'astu tocà[4] mai pì
Sì delicato? e tanto molesin?[5]
Da chi estu sta tocà[6]
Cussì zentil? cussì
Degno, dolce, odorifero e divin?
E che? ha da aver mai fin

[p. 13 modifica]

Sì preziosa cossa?
Madenò;[7] che co[8] muoro
Vòi (scritta prima in oro
Sta grazia in su 'l coverchio de la fossa)
Drezzarla[9] per trofeo
In mezo un onorevole tapeo.[10]
     So ben, che la podeva
Donarme d'i danari;
Che per grazia de Dio no ghe ne manca.
Ma che prò me ne feva?[11]
Quei i toca[12] i furbi e i bari;
Questa è stà sempre in quela so man bianca;
Questa son certo ch'anca[13]
L'ha abù pì[14] grand'onor,
Che la sarà stà toca[15]
Da quela bela boca;
Che tutavia la ghe ne tien l'odor:
E co me l'alzo al naso
No me posso tegnir de darghe un baso.[16]
     Anzi, co me recordo
Che qualità g'ha dao
El respirar de quel cuor amoroso;
Devento avido ingordo
De bever de quel fiao,[17]
Ch'è forsi ancora infra sti peli ascoso.
Ma povero goloso,
Che no l'intendo ben!
Pensarò zuzzar[18] miel,

[p. 14 modifica]

E'l sarà tanto fiel;
E vogia[19] Dio, ch'el no sia pur venen,
Che m'impissa[20] de fuogo
I ossi, le vene e ogni pì nobel luogo.
     Ma sia 'l pezo che puol;[21]
Ch'abia anca da morir,
No poderò[22] morir se no contento.
Diga ogn'un zo che 'l vuol;[23]
No se porà[24] mai dir
Morte la mia, tant'è 'l piaser che sento.
Se muor ben per tormento,
Quand'un n'è mai stà degno[25]
D'un minimo segnal.[26]
Ma 'l mio si è un dolce mal,
C'ho abù pì assai che non importa 'l pegno.[27]
E infati no se dura
Ni anca in te 'l ben, quando 'l no s'ha a misura.
     Ma vu, dona cortese,
D'aspeto de rezina,
E d'anemo de Cesare e de più,
O viva qualche mese,
O muora domatina,
Morirò e viverò sempre per vu;
E del favor c'ho abù
(Se de là s'ha memoria)
Farò stupir la Morte.
Se scamparò per sorte,
Ve ne componerò sì degna istoria,

[p. 15 modifica]

Che la vostra manizza
Muoverà 'l Toson d'oro[28] a invidia e stizza.
     No te curar, Canzon, d'insir[29] mai fuora;
Sta pur calda in stè pele:[30]
Che farò in onor so' rime pì bele.


Note
  1. ↑ Per un manicotto donatogli dalla sua bella.
  2. ↑ Voglio.
  3. ↑ O mano certo avventurata.
  4. ↑ Che hai tu toccato.
  5. ↑ Morbida?
  6. ↑ Da chi sei stato tu toccato (o manicotto!).
  7. ↑ Ma no.
  8. ↑ Quando.
  9. ↑ Collocarla diritta.
  10. ↑ Tappeto.
  11. ↑ Faceva.
  12. ↑ Quelli li toccano.
  13. ↑ Anche.
  14. ↑ Ha avuto più.
  15. ↑ Che sarà stata toccata.
  16. ↑ Tenere di dare ad essa un bacio.
  17. ↑ Fiato.
  18. ↑ Succhiare.
  19. ↑ Voglia.
  20. ↑ Accenda.
  21. ↑ Ma mi accada il peggio che si possa.
  22. ↑ Non potrò.
  23. ↑ Dica ognun ciò che vuole.
  24. ↑ Non si potrà.
  25. ↑ Non fu mai degno.
  26. ↑ D'un minimo segno di attenzione.
  27. ↑ Perchè ho avuto assai più di quello che il pegno non significhi.
  28. ↑ La famosa decorazione istituita da Filippo il Buono.
  29. ↑ Uscire.
  30. ↑ In queste pelli.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Per_una_maniza_donadaghe_da_la_so%27_morosa&oldid=73087"