Per Matrimonio d'un Gobbo

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Per Matrimonio d'un Gobbo
XVI secolo
Edission e fonte ▼
[p. 78 modifica]
PER MATRIMONIO D'UN GOBBO


Un Gobo fato a fondo de melon,
     Più roan che no xe l'osso de Spagna,
     Tuto difeti e tuto una magagna
     Vol dar in nota la so' condizion.

Mi no so da chi 'l vaga, o a che 'l sia bon,
     So ben che a par de do' fachini el magna,
     E che no fè mai cesara in campagna
     Tanta quanta lu a taola distruzion.

Chi diavolo è sta 'l pare, e chi la nena
     De sta cossa, no so da dove ussia,
     Che no se sa se l'abia panza o schena?

Mi credo che se mai la Bizaria
     Dovesse un zorno comparir in scena
     Che la saria el model de sta caia.
                Che se mai per la via
     L'incontra puti, i l'à per la Verola
     Che i cazza spesso a viva forza a scola.
                Se i sente la parola
     I l'à per l'Orco afato, e sì no val
     Darghe da intender che 'l sia un Carneval.

[p. 79 modifica]

                Mi so; che ò un caramal
     Che xe tuto grotesche fuora e drento
     Ghe ghe porìa servir per monumento,
                O proprio alozamento;
     Tanto l'è storto in fati e in la presenza,
     In parlar, in giudizio e in la conscienza.
                Chi cerca penitenza
     Dar a una dona, ghe lo meta apresso
     Che 'l la farà morir, quel zorno istesso;
                Cussì bruto in ecesso
     Lo à impastà, falando, la Natura
     Che de far un ridicolo avea cura.
                No so, co no procura
     Qualche gran zaratan d'averlo in cesto
     Per poder pò criar: Signori, questo
                È un mostro disonesto
     Perchè l'è mostruoso in ogni parte,
     Nè un altro gìhe ne xe descrito in carte;
                Mi no credo che l'arte
     Podesse giusto e vivo mai retrarlo,
     E cussì come l'è rapresentarlo.
                Mi credo, che mostrarlo
     El se porìa lontan, e dar a intender
     Che 'l sia la cossa che se brama veder,
                E rara oltre ogni creder;
     Tante forme se vede in lu costrute
     Che imaginarle no se pol mai tute.

[p. 80 modifica]

                Lè utile a le pute
     Che no volè che staga a far l'amor
     Mostrarghe spesso questo bel umor,
                Che per darve saor
     Del so inteleto, el s'è andà a inamorar
     In la più bela Dea che sia in tel mar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Per_Matrimonio_d%27un_Gobbo&oldid=67877"