Par la fame

by Attilio Turco

3 Par la fame Sonetti Veronesi Sonetti Veronesi/Parte IV - El mondo Pensieri e strussie I genitori Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

Par la fame

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Pensieri e strussie

Edission e fonte ▼

I genitori  →

PAR LA FAME

La m’è vegnuda a rente ieri sera,
     Dove la strada l’era tanto scura...
     E la m’à dito, con bela maniera:
     — Me vo-lo compagnar, che gò paura? —

Mi, sul momento, l’ò sminciada¹ in siera,
     L’era un tipeto² che fasea figura
     E gò risposto: — vegno volentiera,
     Parchè con mi la pol star ben sicura! —

E via. La m’à tirà par strade sconte
     E quando semo stadi a un serto sito,
     Dove la strada la conduse al ponte:

— Son mama, sior, gò fame! ― la m’à dito,
     — Me vendo! — M’è vegnù le fiame in fronte,
     Gò dado un franco³ e son tirado drito!⁴

---

Note

1. sminciada ― guardata;
2. tipeto ― viso;
3. franco ― una lira;
4. tirado drito ― proseguito.