I genitori

by Attilio Turco

3 I genitori Sonetti Veronesi Sonetti Veronesi/Parte IV - El mondo Par la fame El destin Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

I genitori

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Par la fame

Edission e fonte ▼

El destin  →

I GENITORI

Fra i genitori, se de vede adesso,
     Che, de so fioi, purtropo, i se ne cura
     Come i gavesse tanti fioi de gesso...
     No i se dà un pochetina de premura!

Par lori: un fiol o un àseno,^[1] l’è istesso;
     No ghe importa, se ’l fa bruta figura:
     Se no ’l và a scola, se l’è mal avesso,^[2]
     O se ’l ghe casca in man de la questura!

Fiol de fameia, o remo da galera,
     Dona de casa, o sbrindola de strada,
     Malnutridi, strassadi o piè-par-tera,^[3]

Artesani, striloni o borsaroi...
     Gh’è massa genitori che in giornada
     No i se ne cura, d’arlevar i fioi!

---

Note

1. àseno ― asino;
2. mal avesso ― male usato;
3. piè-par-tera — piedi scalzi.