Oh Bus del Cul, che tra do Colinette

by Giorgio Baffo

3 Oh Bus del Cul, che tra do Colinette Raccolta universale delle opere di Giorgio Baffo Tomo I Cara Mona, che in mezzo a do colone Care Tette, vù sè l'unica, e sola Giorgio Baffo 1789 XVIII

soneti

Giorgio Baffo ― Raccolta universale delle opere di Giorgio Baffo ―  Tomo I

Oh Bus del Cul, che tra do Colinette

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Cara Mona, che in mezzo a do colone

Edission e fonte ▼

Care Tette, vù sè l'unica, e sola  →

LODE AL CULO

SONETTO

Oh Bus del Cul, che tra do Colinette
    In circolo ti xe tondo, e perfetto,
    Un vaso ti me par pien de zibetto
    4Messo in conserva in quelle to grespette.

Ti me par un melon taggià in do fette;
    Che vegna anca el più celebre architetto,
    Per Dio, che nol puol far più bel groppetto,
    8Che con Natura l'Arte no se mette.

Oh caro Culo! Oh macchina stupenda!
    Gran cose in ti se vede in un momento
    11Subito, che se tira sù la tenda;

Se vede Monti, Valli, e un Bosco in drento;
    Compatisso la zente reverenda,
    14Se in quel liogo i farave el so convento.