LODE AL CULO
SONETTO
Oh Bus del Cul, che tra do Colinette
In circolo ti xe tondo, e perfetto,
Un vaso ti me par pien de zibetto
4Messo in conserva in quelle to grespette.
Ti me par un melon taggià in do fette;
Che vegna anca el più celebre architetto,
Per Dio, che nol puol far più bel groppetto,
8Che con Natura l'Arte no se mette.
Oh caro Culo! Oh macchina stupenda!
Gran cose in ti se vede in un momento
11Subito, che se tira sù la tenda;
Se vede Monti, Valli, e un Bosco in drento;
Compatisso la zente reverenda,
14Se in quel liogo i farave el so convento.
